الكيكة الإسفنجية بالتفصيل

الكيكة الإسفنجية بالتفصيل
**********************

المقادير
10 بيضات (( تكون خارج الثلاجه ))
رشة فانيليا
1 ونصف مج سكر (( mug كوب كبير ))حوالى 150ج
2 كوب دقيق (( نستعمل نفس الكوب اللي عايرنا بيه السكر ))
منهم 2 ملعقه كبيرة نشا
و لو هنعمل كيكة شوكولاته نشيل ربع كوب دقيق و نحط بدالهم كاكاو
و نحط 1 ملعقه صغيره باكينج باودر
وننخل كل ده مع بعض 3مرات

الطريقه
1 -الأول نفتح الفرن علشان يسخن بس الحرارة تكون متوسطة
لازم مضرب كهربائي لأن من شروط نجاح الكيكة اننا نخفقها كثييير جداً
نحط ال 10 بيضات و رشة فانيليا و السكر و نخفق كويس لمده طويله
لحد ما يتغير لونها و ترتفع و تحسي انها جمدت شوية
2 - عند إضافة الدقيق ما نستعملش المضرب الكهربائي و نستعمل ملعقة خشب و نقلب في إتجاه واحد بشويش خالص
المهم ...الدقيق نحطه على 3 إو 4 مرات....نرش رشة دقيق و نقلب بشويش
من تحت لفوق و بعدين نحط تاني لحد ما المقدار يخلص نيجي للنقطة المهمة الصينية اللي هنخبز فيها - مقاس كبير ( 30 )
نحط فيها ورقه زبده و ندهنها زبده خفيفه 
3_نحط الخليط بالراحه و نخبط الصينية خبطه خفيفة علشان الهواء اللي فيها يطلع
4_ندخّل الصينية في الفرن في الوسط و نخللي الحرارة على 200لمده 10 دقائق و بعدين نوطي خااااااالص على 180 درجه
علشان تستوي براحتها و ما نفتحش عليها ..بعد 40 دقيقه تكون استوت اطفي الفرن وسيبي الكيك في الفرن خمس دقايق وبعدين خرجيه في مكان دافي ممكن جمب البوتاجاز من فوق عالرخامه وبعد شويه اقلبيه علي منخل سلك يبرد